I peccati mortali dei Papi elencati da Angelo Dore

Ma perché il nostro poeta è così astioso nei confronti della Chiesa e da dove nasce il suo Anticlericalismo viscerale ? Rileggendo e ripercorrendo la storia dei Papi che, da San Pietro sino al periodo analizzato da Angelo Dore, emergono delle responsabilità gravissime, di alcuni Ministri della Chiesa che, così come al giorno d’ oggi avviene dentro le sagrestie, predicano bene ma razzolano male. E per contestare  l’ opera del Farris il poeta ittirese ricorre proprio alla storia dei Papi che nel corso dei secoli si sono alternati sul soglio di San Pietro. E dice:

“…Ma Farris pro narrer totu custu senza azzuppare in logu, forzis hada contadu in sos seguaces e rappresentantes de unu Cristos umile, chi morzesidimin d’una rughe perdonende sos suos crucifissores, sos seguentes  pontefizes apostolicos romanos, chi sos pius si sunu innalzados a sos altares pari pari:

-          Paba Pascale, (817-824) : ordinada s’ assassiniu de su Primiceriu e de su Nomencladore, senza prozessu;

-          Giuanne VII, (872-882) : approvada e beneighede su fratricidiu cummissu dai Anastasiu;

-          Marinu I, (882-884) : istesidi complice in s’ assassiniu de su Paba Giuanne VIII;

-          Cristofuru, (904-905) : istrozzesidi Leone V pro esser Paba issu;

-          Gianne XII, (956-963) : fidi culpevole de concubinaggiu, de incestu, e de assassiniu de su prpriu padrinu;

-          Bonifaziu VII, (974-975) : furesidi sos tesoros de Lateranu, istrozzesidi a Beneittu VI, bocchesidi in presone su Paba Giuanne XVI;

-          Gregoriu V e Beneittu VIII furesini benes de Cortese cun ingannos de varias maneras;

-          Beneittu IX, (1033-1044) : avvelenesidi duos pabas leggitimos pro esser issu paba;

-          Nigola II, (1058-1061) : legalizzesidi su brigantaggiu de sos Normannos;

-          Alessandru II, (1061-1073) : impicchesidi tres nobiles romanos pro si assegurare su pabadu;

-          Gregoriu VII, (1073-1086) : impresonesidi, torturesidi bocchesidi tres ambasciadores.”

L’ elenco continua sino al 1870 con la denuncia dei misfatti di tantissimi Papi che sfruttando la fede del popolo cristiano ne combinano di tutti i colori.

Angelo Dore dunque continua:

“(...) Ecco, o Farris, comente si tiada distendere e abbrazzare tottu s'universu sa cheja romana, solu cun custos metodos de terrore, ma non cun sa persuasione comente faghiada su Cristos leggendariu, chi similes lupos si hana impadronidu pro lu mercanteggiare a usu e consumu insoro.
Ma Farris devede cumprendere e pensare, chi comente sunu tramontados e tramontende sos medios de cunvertire sos populos, gai barbaramente contra sa propria voluntade, chi tales medios assassinos fini e sunu sos prinzipios e sustegnos de su sazerdote cattolicu, tramontada puru tottu cussu mundu de oscurantismu e de ingannos e privilegios chi hada pro nomene Cheja Cattolica Apostolica Romana!
Farris narada chi Cristos est su fundadore de sa religione cristiana, e deo pro unu momentu in custu puntu so cun Farris; ma como naro a Farris chi Cristos (segundu s'evangeliu) fidi unu chi preigaiada s'eguaglianzia, fidi unu chi naraiada chi chie possediada non podiada essere sou seguace (evangeliu de Santu Luca XIV, 33) e oe chie preigada similes cosas, sos seguaces de Cristos mattessi lu bullana de ereticu!
Cheriada issu chi tottu sos omines goserene egualmente, senza oppressos nè oppressores, e ai custu grande umanitariu tales dottrinas l'hana criadu s'odiu de sos potentes guvernantes e de s'insoro alleadu, comente lu idimus oe, su clero, chi pro cherrere soffogare tales dottrinas l'hana cundennadu a una morte obbrobriosa e atroce; eppuru custu Cristos naschidu e mortu pro sa veridade passesidi totta sa vida sua in povertade preighende a sos populos s'amore e consolende sos isconsolados, mentres chi sos ministros suos chi l'hana rappresentadu, e chi lu rappresentana, si hana chircadu pro s'istabillire in sa zona mezzus temperada de su mundu- s'Italia- e inie ponzende in pratica s'evangeliu de Cristos, cun sos tribaglios de su populu s'hana fraigadu migliaia de chejas (mentre chi Cristos naraiada: cando azzis de pregare serradebos in s'istanzia, e non faghide che i sos ipocritas ecc.- Evangeliu de santu Matteu VI, 5, 6) costruidas e ornadas similmente a sos tempios paganos, cun milli idulos de diversas fatturas pro los faghere adorare dai su populu imbecillidu e isfruttadu dai sos matessi ministros de sa santa ecclesia. In Roma, 'ue su vicariu de Cristos hada istabbilidu sa sede, inie hana innalzadu sos pius superbos e ispaziosos palattos, solo su palattu 'ue cun tanta umilidade... allogiada su vicariu de Cristos, contada undighimizza istanzias addobbadas de milli richesas, (solu sas salas de paba Borgia costana milliones) senza chircare sos giardinos pienos de milli ispassatempos deliziosos, e inie su rappresentante de cuddu chi est vividu in sa miseria e mortu in sa rughe si dilettat e passizzat cun veiculos de tottu lussu. Eppuru in Roma vivede su rappresentante de Cristos chi narzesidi: chie mi cherede sighire bendada cantu hada e lu distribuada a poveros (Evangeliu de santu Matteu XIX, 21); ma a su contrariu de custu evangeliu, su matessi Cristos s'est bidu rappresentadu dai s'omine avidu de lussos e de ricchesas, dilatendelas cun milli sistemas... fina a sos parentes lecitos e illecitos!... chi pro las accumulare non miresini in sa vida de sos sudditos e atteros de sa matessi ecclesia! Senza chircare su chi accumulesini e accumulana cun raggiros e falzas lusingas dai sos fideles, vittimas de sa cunfessione, e de atteras rapaces suggestiones.
Cristos fidi sa guida, su mastru, su cumpagnu e frade de su populu poveru, ma su chi lu rappresentada in terra, a su contrariu, hada fattu de su populu diseredadu unu isciau, trascinadu in sa tenebra eterna... e in s'ingannu!
(...) Sa cheja cattolica est istada sa causa de faghere retardare de seculos su caminu de su progressu umanu et de tottu sas iscienzias, in d'ogni logu chi su pensamentu de zivilidade est passadu est istadu minettadu dai s'insidia continua de sa superstizione religiosa; in d'ogni logu chi s'iscienzia est passada hada happidu sa manu de su sazerdote pronta a maleighere e iscomunigare; in d'ogni logu chi su geniu de s'omine hada dadu una istinchidda de lughe, inie s'alenu gelidu de sa superstizione hada tentadu de l'istudare; inue sa fronte de s'omine s'est elevada a sas liberas persuassiones de su giustu, hada happidu su dogma cun brazzu vile e pesante pro la torrare a chinare a terra, e inue est morta sa fide isterile, superstiziosa et zega, est naschida sa fide operosa e fecunda de s'iscienziadu.
Dai sas fiammas de su fogu su pensamentu torresidi a naschere senza mai frimmare, e i sa chijina de sos pensadores liberos bettada a sos bentos est 'istada sa semenza de sa noa primavera umana.
(...) Sa cheja in tottu sas affirmassiones suas est 'istada isconfitta. Sa chegia susteniada chi sa terra fidi una superfice paris ossiada a livellu, e Colombo e Magellano hana dimostradu cun proas giaras e zertas chi sa terra est tunda; sa chegia susteniada chi sa terra fidi centru de s'universu (su chelu in altu e i s'inferru in basciu) e Copernico e Galileo hana dimustradu chi sa terra fidi unu ranu de sabbia animadu da unu motu de rivoluzione in giru a su sole; sa cheja affirmada chi s'edade de sa terra no est superiore a settemizza annos, e i sos istudios de geologia hana documentadu chi si trattada invece de migliaia e migliaias de seculos. Sa cheja affirmada chi sa criazione de s'universu fidi cumpida dai Deus in ses dies fatt'appare, e i sos istudios de paleontologia hana dimustradu chi sa vida s'est isviluppada lentamente attraversu periodos geologicos de una durada indeterminada.
Como nois forsi... semus in s'ultima lotta tra sa tradizione sacra e-i sa religione libera; tra sa rivelazione de su... Signore e-i sas osservaziones positivas de sos omines, semus forsi a s'ultimu conflittu tra s'iscenzia e-i sa fide zega!
S'omine fidi una creazione singolare, o est issu su produttu de una longa serie indefinida de evoluziones e de adattamentos de su primu organismu monocellulare? S'omine est veramente su fizzu de Deus, o no est pius prestu s'animale pius elevadu, cuddu chi occupada sa pius alta iscalina de s'iscala geologica, sas cales origines si perdene in sa fecundidade de su limu primigeniu? S'anima de s'omine est s'alénu de Deus suladu in dunu punzu de fangu, o est sa vibrazione de su nostru sistema nervosu? Est s'anima falada dai su chelu, o est pius prestu pigada dai su fangu attraversu de s'evoluzione lentissima de sa materia nervosa? Ma cuddu 'ezzu benefattore narat -O fide o fine- (e lu creo!...) e i custa fide chi sa cheja imponede a sos suos fideles, est de crere a sa zega in tottu su chi issa hada impostu e imponede, ma custa ubbidienza zega a pagu pagu si est bida minimende; cuddu esercitu immensu de fideles chi in su passadu teniada, trascinados fattu sou cun sa prommissa... de chelu e... terra, bidende chi de su chelu... e i sa terra a su contrariu restaiada sola padrona ingrata issa mattessi, gradatamente isparidi...! Oe sa chegia podede appena contare ind'unu minore numeru de una classe aristocratica ignorantissima, ind'unu uguale... numeru chi sunu clericales pro vulgares torracontos politigos; e in sa desolada classe contadina chi vivede in sas contradas pius abbandonadas, in sa miseria morale e materiale...
S'omine hada rinunziadu a pagu a pagu a sas prommissas buffonas de sa cheja, issu si persuadidi a gradu a gradu chi tottu cantu est pensamentu, gioia, dolore e isperanzia de su bene, tottu est conquista lenta e fadigosa in sa ferocia primitiva, in sa brutalidade antigoria.
S'omine hada rinunziadu a sa ridicula buglia, chi s'omine poi morte rivivada in d'unu chelu... purgatoriu... o inferru! Non crede pius, chi daghi zessada de vivere, da isse partada invisibile una culumba celeste o infernale (s'anima) pro gosare o patire in chelu o in s'inferru o purgatoriu... (ma non ischidi 'ue in su corpus de s'omine custa culumba tenede alloggiu); no est pius custa columba celeste... misciada in custa povera carre mortale, ma est su fenomenu pius meravigliosu de sa vida organica, bennida in campu lentamente attraversu de migliaia de annos de sufferenzias e de dolores, dai su fangu de sos primos tempos de un'epoca geologica perdida in sa notte infinita de su tempus.
Sa Sacra Bibbia narada chi Deus fattesidi su mundu e suzzessivamente -in sas ses dies famosas- lu fattesidi populare de ogni ispessia de animale e de piantas ecc. Su primu die criesidi sa lughe, sa terza die criesidi piantas e ervas, su quartu die criesidi su sole. Como (non Farris chi issu hada fide e creede a sa zega sa sacra iscrittura) ma su lettore hada a narrer comente faghere piantas e ervas senza essere fattu su sole, mentre chi su sole faghede produire a sa terra ervas e piantas!? Poi comente esistere sa lughe tres dies primu de essere criadu su sole, mentre chi su sole faghede e hada fattu sempre sa lughe e i su calore indispensabile pro dogni vegetazione? Sa cheja, riguardu de affirmare chi sa lughe istesidi criada tres dies primu de su sole, tenede regione bastante, anzis deo mi creo chi si tando essende esistida si fidi impignada cun su criadore de faghere a mancu de faghere su sole, ed infattis si 'idede sa proa oe in die chi sa cheja suffridi a su sole (ispezialmente su sole de su primu Maju), essende già abituada a una lughe non proiettada dai su sole, ma una lughe chi naschesidi tres dies primu, e chi servesidi a... su criadore pro idere in sa fabbricazione de su sole, e oe sa cheja cherede forsi imitare su criadore, de fabbricare... e caminare cun d'una simile... lughe, suffizientissima pro illuminare a issa mattessi, cun sos suos fideles...
Ma sa vera lughe luminosa est giustizia- veritade- amore- tribagliu e iscenzia!“



Per essere informato degli ultimi articoli, iscriviti: